Qashqadaryo viloyat statistika boshqarmasida “Call centre” tashkil etilgan. Murojaat uchun telefon: (+998 75) 221-16-42.

QASHQADARYO VILOYAT TARIXI

KORRUPSIYAGA QARSHI KURASH

TADBIRKORLAR UCHUN

2020-yilning 28-may kuni Davlat statistika qo‘mitasi hamda Toshkent davlat iqtisodiyot universiteti hamkorligida navbatdagi videokonferensiya o‘tkazildi.

Mamlakatimizning turli hududlaridan onlayn ulangan Toshkent davlat iqtisodiyot universiteti rektori boshchiligida professor-o‘qituvchilar, ilmiy tadqiqotchilar va talabalarga Davlat statistika qo‘mitasi mutaxassislari tomonidan vebinar tashkil qilindi.

Mazkur vebinarda Kadrlar malakasini oshirish va statistik tadqiqotlar instituti direktori Bahodir G‘oyibnazarov, qo‘mita boshqarma boshliqlari Odiljon Mamadaliyev va Muzaffar Jamolov ishtirok etdi.

Videokonferensiyada Davlat statistika qo‘mitasi Invesititsiyalar va qurilish statistikasi boshqarmasi boshligʼi Jamolov Muzaffar Mirzoxitovich “O‘zbekiston Respublikasida asosiy kapitalga kiritilgan investitsiyalar va qurilish tarmogʼining rivojlanishi raqamlarda” mavzusi bo‘yicha batafsil ma’lumot berdi.

Ma'ruzachining qayd etishicha, 2020-yilning yanvar-mart oylarida investitsion faollikni pasaygani kuzatilib, asosiy kapitalga o’zlashtirilgan investitsiyalar hajmining o’tgan yilning mos davriga nisbatan o‘sish sur‘ati 89,8 % ni tashkil etdi.

Joriy yil yanvar-mart oylarida 33,4 trln. so‘m asosiy kapitalga investitsiyalar o‘zlashtirilib, ularning 63,9 % i yoki 21,4 trln. so‘mi jalb etilgan mablag‘lar hisobidan moliyalashtirilgan bo‘lsa, korxona, tashkilot va aholining o‘z mablag‘lari hisobidan 36,1 % yoki 12,0 trln. so‘m moliyalashtirildi.

2020-yilning yanvar-aprel oylarida O‘zbekiston Respublikasida jami 23 292, 3 mlrd. so‘mlik qurilish ishlari bajarilib, o‘sish sur‘ati 2019-yilning yanvar-aprel oylariga nisbatan 90,1 % ni tashkil etdi.

Toshkent davlat iqtisodiyot universiteti professor-o‘qituvchilari va talabalari mavzu yuzasidan savollar berishdi. Savollarga Kadrlar malakasini oshirish va statistik tadqiqotlar instituti direktori B.G‘oyibnazarov, qo‘mita boshqarma boshliqlari O.Mamadaliyev va M.Jamolov javob berishdi.

Bugungi pandemiya sharoitida hamda mamlakatimizning raqamli iqtisodiyotni rivojlantirishga qaratayotgan e'tiborini inobatga olgan holda tashkil etilayotgan vebinar muhim ahamiyatga ega. Shundan kelib chiqib, professor-o‘qituvchilar, ilmiy tadqiqotchilar va talabalar uchun bu kabi amaliy ahamiyatga ega bo‘lgan onlayn uchrashuvlari doimiy o‘tkazib kelinmoqda.

 Mazkur videokonferensaloqaning to‘liq tavsilotlarini qo‘mitaning “Youtube”dagi rasmiy sahifasida kuzatishingiz mumkin.

Axborot xizmati

2020-yilning 22-may kuni Davlat statistika qo‘mitasi hamda Toshkent davlat iqtisodiyot universiteti hamkorligida videokonferensiya o‘tkazildi.

Respublikamizning turli hududlaridan onlayn ulangan Toshkent davlat iqtisodiyot universiteti rektori boshchiligida professor-o‘qituvchilar, ilmiy tadqiqotchilar va talabalarga Davlat statistika qo‘mitasi mutaxassislari tomonidan vebinar qilindi.

Mazkur vebinarda Kadrlar malakasini oshirish va statistik tadqiqotlar instituti direktori Bahodir G‘oyibnazarov, qo‘mita boshqarma boshliqlari Odiljon Mamadaliyev va Botir Irgashev ishtirok etdi.

Videokonferensiyada Tashqi iqtisodiy faoliyat va savdo statistikasi boshqarmasi boshlig‘i  Irgashev Botir Samarovich “Mamlakatimizda tashqi savdo ko‘rsatkichlarini shakllantirilishi va rivojlantirish tendensiyalari” mavzusi bo‘yicha batafsil ma’lumot berdi.

Ma'ruzachining qayd etishicha, 2020-yil yanvar-aprel oylari yakuni bilan respublikaning tashqi savdo aylanmasi 10 823,2 mln. AQSh dollarini tashkil etib, 2019-yilning mos davriga nisbatan 1297,1 mln. AQSh dollariga yoki 10,7 % ga kamaygan.

Tashqi savdo aylanmasida eksport hajmi 4 416,9 mln. AQSh dollariga (10,6 % ga kamaydi) va import hajmi 6 406,3 mln. AQSh dollariga (10,8 % ga kamaydi) yetdi. Hisobot davrida – 1 989,4 mln. AQSh dollari qiymatida passiv tashqi savdo balansi kuzatilgan.

O`zbekiston jahonning 150 dan ortiq mamlakatlari bilan savdo aloqalarini amalga oshirib kelmoqda. Tashqi savdo aylanmasining nisbatan salmoqli hissasi Rossiya Federatsiyasida (16,7 %), Xitoy Xalq Respublikasida (16,6 %), Qozog`istonda (8,3 %), Koreya Respublikasida (7,4 %), Turkiyada (5,6 %), Qirg`iz Respublikasida (2,0 %) va Germaniyada (2,0 %) qayd etilgan.

Shundan so‘ng, Toshkent davlat iqtisodiyot universiteti professor-o‘qituvchilari va talabalari mavzu yuzasidan savollar berishdi. Savollarga Kadrlar malakasini oshirish va statistik tadqiqotlar instituti direktori B.G‘oyibnazarov, qo‘mita boshqarma boshliqlari O.Mamadaliyev va B.Irgashev javob berishdi.

Bugungi pandemiya sharoitida hamda mamlakatimizning raqamli iqtisodiyotni rivojlantirishga qaratayotgan e'tiborini inobatga olgan holda tashkil etilayotgan vebinar muhim ahamiyatga ega. Shundan kelib chiqib, professor-o‘qituvchilar, ilmiy tadqiqotchilar va talabalar uchun bu kabi amaliy ahamiyatga ega bo‘lgan onlayn uchrashuvlarni doimiy o‘tkazish yo‘lga qo‘yildi.

 

Mazkur videokonferensaloqaning to‘liq tavsilotlarini qo‘mitaning “Youtube”dagi rasmiy sahifasida kuzatishingiz mumkin.

Axborot  xizmati

Joriy yilning 22-may kuni O‘zbekiston Respublikasi Davlat statistika qo‘mitasi huzuridagi Kadrlar malakasini oshirish va statistik tadqiqotlar instituti tomonidan “Makroiqtisodiy barqaror o‘sishni ta'minlashda statistik usullar va axborotlar rolini kuchaytirish” mavzusida respublika miqyosida onlayn ilmiy-amaliy konferensiya bo‘lib o‘tdi.

Mazkur konferensiyada Davlat statistika qo‘mitasi markaziy apparat boshqarma boshliqlari hamda Kadrlar malakasini oshirish va statistik tadqiqotlar instituti professor-o‘qituvchilari mavzu yuzasidan ma’ruza qildi.

Dastlab, konferensiyada Davlat statistika qo‘mitasi huzuridagi Kadrlar malakasini oshirish va statistik tadqiqotlar instituti, kafedra mudiri, i.f.d., akademik Saidaxror Gulyamov “O‘zbekistonning ijtimoiy-iqtisodiy rivojlanishida raqamli iqtisodiyotning roli” mavzusida ma’ruza qildi.

Shundan so‘ng, Kadrlar malakasini oshirish va statistik tadqiqotlar instituti direktori, i.f.d., professor Baxodir G‘ayibnazarov “O‘zbekiston Respublikasi makroiqtisodiy ko‘rsatkichlarining iqtisodiy-statistik tahlili” mavzusida ma’lumot berdi.

Shuningdek, Davlat statistika qo‘mitasining boshqarma boshliqlari Aziz Mamirov, Odiljon Mamadaliyev “Valyutaning xarid qobiliyati pariteti asosida YaIMni xalqaro taqqoslash” hamda “Hududlarning ijtimoiy-iqtisodiy rivojlanishini statistik tadqiq etish” mavzulari bo‘yicha batafsil ma’lumot berib o’tishdi.

Mazkur respublika miqyosida o’tkazilgan onlayn ilmiy-amaliy konferensiyaga onlayn ulangan qatnashchilar mavzu yuzasidan o’zlarini qiziqtirgan savollariga mutaxassislar tomonidan atroflicha javob olishdi.

Axborot xizmati

Joriy yilning 21-may kuni Open Data Watch ekspertlari tomonidan Davlat statistika qo‘mitasi xodimlari uchun “Open Data Uzbekistan workshop agenda” deb nomlangan onlayn tadbir o‘tkazildi.

Mazkur tadbir Yevropada xavfsizlik va hamkorlik tashkilotining O‘zbekistondagi loyihalari koordinatori ko‘magida O‘zbekistonda ochiq ma'lumotlarni rivojlantirishni qo‘llab-quvvatlash bo‘yicha potensial hamkorlik doirasida tashkil etildi.

Open Data Watch – ochiq ma'lumotlar va rasmiy statistika chorrahasida ishlaydigan xalqaro notijorat tashkilot hisoblanadi. Tashkilot rasmiy statistikani ishlab chiqarish va boshqarishda o‘zgarishlarni amalga oshirishga yordam beradi. Open Data Watch tashkiloti butun dunyodagi rasmiy statistikani qamrab olish va oshkoralikni baholash uchun ochiq ma'lumotlar reestrini (ODIN) yaratgan. Ma'lumotlarning sifati va ochiqligini monitoring qilish orqali hukumatlar, xalqaro tashkilotlar va fuqarolarga barqaror rivojlanish maqsadlarini (BRM) aniqlash va erishish muammolarini hal qilishda yordam berishga qaratilgan.

O‘zbekistonda ochiq ma'lumotlarning rivojlanishini qo‘llab-quvvatlash uchun potensial hamkorlik bo‘yicha masofaviy seminarning asosiy maqsadi quyidagi muhim mavzularni muhokama qilish, tushuntirish va sharhlashdan iboratdir:

  • Ochiq ma'lumotlar ta'riflari va standartlari, ochiq ma'lumotlar holati, shuningdek, afzallik va muammolar;
  • Dolzarb mavzu – ochiq ma'lumotlar va COVID-19: inqiroz davrida ochiq ma'lumotlarning roli va ahamiyati;
  • ODIN metodologiyasi tahlili – qamrov va ochiqlik, ko‘rsatkichlar va toifalar o‘lchovi, asosiy baholash;
  • ODIN 2018/19 – natijalar va ballar;
  • ODIN 2018/19 natijalariga asoslangan qisqa muddatli va uzoq muddatli tavsiyalar, shu jumladan, ODIN 2020/21 bahosidan oldin amalga oshirilishi mumkin bo‘lgan tavsiyalar.

Seminarda davlat boshqaruvining ochiqligi va shaffofligini ta'minlash, shuningdek, mamlakatning statistika salohiyatini oshirishga doir qo‘shimcha chora-tadbirlar borasidagi tashkiliy masalalar ko‘rib chiqildi va istiqboldagi vazifalar belgilab olindi.

Axborot xizmati

O‘zbekiston Respublikasi Vazirlar Mahkamasining 2020-yil 22-apreldagi hududlarning ijtimoiy-iqtisodiy rivojlanishi va kambag‘allikni qisqartirish masalalariga bag‘ishlangan videoselektor yig‘ilishida qator topshiriqlar berilgan edi. Mazkur topshiriqlarning ijrosini ta'minlash maqsadida, Davlat statistika qo‘mitasi tomonidan maqsadli va manzilli chora-tadbirlar amalga oshirilmoqda.

Jumladan, joriy yilning 18-may kunitajriba tariqasida Andijon viloyatining Xonabod shahrida yashovchi aholini to‘liq qamrab olgan holda kambag‘allik darajasini o‘rganish bo‘yicha kuzatuvlar tashkil etilmoqda.Shaharda 14 ta mahalla fuqarolar yig‘inlari mavjud bo‘lib, ulardagi aholi soni 2020-yil 1-aprel holatiga 42,6 ming kishini hamda oilalar soni 10992 tani tashkil etdi.

Davlat statistika qo’mitasi Raisi o’rinbosari M.Ziyadullayev boshchiligida tuzilgan maxsus komissiya tomonidan ayni paytda mazkur tadbirni yuqori saviyada tashkil etish uchun bir qator ishlar olib borilmoqda. Jumladan, kuzatuv so‘rovnomasini zarur miqdorda chop etish, kuzatuvga jalb etiladigan ro‘yxatga oluvchilar (intervyuerlar) va nazoratchilar (supervayzerlar)ni o‘qitish ishlarini tashkil etishga alohida e’tibor qaratilmoqda. Shuningdek, kuzatuvlarni belgilangan hududlarda o‘tkazilishi va kuzatuv natijalari bo‘yicha to‘ldirilgan so‘rovnoma ma'lumotlariningo‘z vaqtida markaziy serverga kiritib borilishini ta'minlash masalalari kun tartibiga qo‘yildi.

Kuzatuvlarni amalga oshirishda 10 ta guruhdan iborat, Andijon viloyat statistika boshqarmasi xodimlaridan tashkil topgan jami 10 ta instruktor, 50 ta intervyuer hamda ma'lumotlarni elektron bazasini shakllantirish uchun 8 ta operatorlar biriktirilgan.

Kuzatuv bilan bog’liq masalalar va kuzatuv natijalari bilan tanishtirib boramiz.

 

Axborot xizmati

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA