TADBIRKORLAR UCHUN

Eksport, investisiya va mahalliylashtirish masalalari bo`yicha videoselektor yig`lishi o`tkazildi.

Eksportni ta’minlash bo`yicha “yo`l xaritasi” ishlab chiqib, mahsulotlarni qayirga, qachon eksport qilish bo`yicha aniq chora-tadbirlarni belgilash vazifasi qo`yildi.

To`g`ridan-to`g`ri xorijiy  investisiyalar ishtirokidagi har bir loyixaga respublika idoralari rahbarlari mas’ul sifatida biriktirildi.

Mahalliylashtirish bo`yicha 830 ta  loyiha doirasida 9 trillion so`mlik yangi turdagi mahsulotlar ishlab chiqarish yuzasidan topshiriq berildi.

O‘zbekistonda 2020 yil uchun inflatsiyaning bazaviy prognozi 12 - 13,5 foiz darajasida belgilangan. Bu Markaziy bank ma'lumotida ko‘rsatib o‘tilgan.

Markaziy bank raisining birinchi o‘rinbosari Ilhom Norqulovning so‘zlariga ko‘ra, yil davomidagi inflatsiya darajasi 15 foizgacha yetishi ehtimoli ham yo‘q emas.

«Bizda maqsadli va prognoz trayektoriyalar bor. Prognoz trayektoriyamiz biroz yuqoriroq, ayrim ssenariylar bo‘yicha 2020 yilda 14-15 foizgacha boryapti. Lekin bizning maqsadimiz – bu yil inflatsiyani 12 foizdan past darajada ushlab turish, 2021 yilda esa bir xonali songa olib tushish, 2023 yilga borib esa 5 foizlik targetga erishish.

Bu maqsadli rejalar qandaydir tashqi shok holatlari ro‘y bermasligi ehtimolidan kelib chiqib belgilangan. Qandaydir o‘zgarish bo‘lsa ham, bu qisqa muddatli og‘ish hisoblanadi va biz yana maqsadli trayektoriyaga qaytishga harakat qilamiz», – dedi Norqulov «O‘zbekiston 2020» dasturidagi chiqishi vaqtida.

Eslatib o‘tamiz, mamlakatda 2019 yilgi inflatsiya darajasi prognoz koridorining yuqori chegarasida shakllanib, 15,2 foizni tashkil etgan edi.

Bundan oldin, inflatsiyani o‘lchashdagi asosiy mezonlardan biri – iste'mol narxlari indeksi 2020 yilda 12,5 - 13 foiz darajasida o‘sishi kutilayotgani ma'lum qilingandi.

 

 

Manba:kun.uz

Oʻzbekiston Respublikasi Prezidenti Shavkat Mirziyoyev 9-yanvar kuni davlat xizmatlari koʻrsatish samaradorligini oshirish masalalari boʻyicha yigʻilish oʻtkazdi.Shavkat Mirziyoyev Oʻzbekiston Respublikasi Prezidenti sifatidagi faoliyatining ilk kunlaridan “Xalq davlat idoralariga emas, davlat idoralari xalqimizga xizmat qilishi kerak” degan gʻoyani ilgari surgan edi. Maqsad odamlarimizning ogʻirini yengil qilish, har qanday qulayliklar yaratishdan iborat.

Buning uchun, avvalo, rasmiy idoralarga u yoki bu yumush bilan murojaat qilgan aholining vaqti va mablagʻini tejash, ayniqsa, sarson-sargardonlikka barham berish, qolaversa, korrupsiyani bartaraf etish maqsadlarida davlat xizmatlari koʻrsatishning yaxlit, zamonaviy, ishonchli tizimini yaratishga kirishildi.

Shu munosabat bilan Prezident Shavkat Mirziyoyev tomonidan 2017-yil 12-dekabr kuni “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida”gi farmon qabul qilindi. Unga muvofiq, Adliya vazirligi huzurida Davlat xizmatlari agentligi tashkil etildi.

Hozirda mamlakatimiz boʻylab Agentlik tasarrufidagi Davlat xizmatlari markazlari faoliyat yuritib kelmoqda. Oddiy odamlar uchun qulay, koʻrkam boʻlgan 80 dan ortiq innovatsion binolar jismoniy va yuridik shaxslarga xizmat qilib kelayotgan boʻlsa, bugungi kunda yana 94 ta shunday inshootlarni qurish ishlari olib borilmoqda.

Bundan tashqari, olis joylarga chiqish orqali (“mobil davlat xizmatlari”) qulay va shaffof tarzda sayyor xizmatlar ham koʻrsatilyapti.

Bugungi kunga kelib, Davlat xizmatlari markazlari orqali “yagona darcha” tamoyili asosida 130 turdan ziyod xizmatlar taqdim etilmoqda. 2017-yilda aholiga koʻrsatilgan xizmatlar soni 12 mingtani tashkil etgan boʻlsa, 2019-yilda bu koʻrsatkich 13 milliontadan oshgan.

Eng koʻp murojaat qilinadigan 36 turdagi xizmatlar boʻyicha hujjatlar soni 112 tadan 52 taga kamaytirildi, xizmat koʻrsatish muddati 280 kundan 126 kunga qisqartirildi.

Masalan, ilgari haydovchilik guvohnomasini yangisiga almashtirish uchun pasport, tibbiy maʼlumotnoma, imtihon varaqasi, eski guvohnoma, rasm va eng kam ish haqining 70 foizi miqdorida toʻlov talab qilingan. Endilikda esa faqat uchta narsa: eski haydovchilik guvohnomasi va uning taloni, bazaviy hisoblash miqdorining 70 foizi hajmida toʻlov kerak, xolos.

Oʻtgan yil 1-iyundan boshlab fuqarolarning yashash joyidan va tashkilotlarning manzilidan qatʼi nazar, istalgan markaz orqali davlat xizmatlari koʻrsatish yoʻlga qoʻyildi.

Bu odamlarga juda katta qulaylik yaratib, sarsongarchilikdan xalos etdi.

Masalan, Toshkentdagi universitetga Nukusdan kelib hujjat topshirish uchun kamida 2 million soʻm xarajat qilingan boʻlsa, hozirda istalgan markazga murojaat qilish kifoya.

Joriy yilda ham bu boradagi ishlar davom ettirilib, 94 ta yangi markaz barpo etilishini aksar hollarda xususiy sektor bilan sheriklikda amalga oshirish rejalashtirilgan.

Davlatimiz rahbari bu dastlabki qadamlar ekani, aholiga qulayliklarni yanada koʻpaytirish zarurligini taʼkidladi.

Avvalo, “yagona darcha” tamoyili toʻliq ishlashi uchun barcha davlat xizmatlari toʻliq elektron shaklga oʻtkazilishi va maʼlumotlar raqamlashtirilishi lozimligi koʻrsatib oʻtildi.

Hozirgi kunda davlat xizmati koʻrsatuvchi 80 ta idoradan atigi 27 tasi Davlat xizmatlari agentligi bilan oʻzaro integratsiya qilingan. 53 idorada maʼlumotlar raqamlashtirilmagan. Misol uchun, sogʻliqni saqlash, ekologiya, qurilish, arxiv bilan bogʻliq davlat xizmatlari sohasida haligacha elektron maʼlumot bazasi shakllanmagan.

Shunday maʼlumot almashinuvi yoʻqligi sababli 2019-yilda qurilish, tabiiy gaz, issiq suv va ichimlik suvi taʼminoti borasida xizmat koʻrsatish muddatlari buzilgan.

Shu bois yigʻilishda Axborot texnologiyalari va kommunikatsiyalarini rivojlantirish vazirligi hamda Adliya vazirligiga barcha idoralarning davlat xizmatlari bilan bogʻliq axborot tizimlari va maʼlumotlar bazasini yaratish boʻyicha manzilli dastur ishlab chiqish vazifasi topshirildi.

Elektron davlat xizmatlaridan foydalanuvchilar sonini yil yakunigacha kamida 5 baravarga oshirish, 2025-yilgacha toʻliq elektron xizmat koʻrsatishga oʻtish maqsad qilib qoʻyildi.

Aholining 75 foizi internetga mobil qurilmalar orqali kirayotganini inobatga olib, Yagona interaktiv davlat xizmatlari portalining mobil versiyasini ishga tushirish muhimligi qayd etildi. Uzoq hududlarda yashaydigan aholiga qulayliklar yaratish maqsadida davlat xizmatlari markazining 50 dan ortiq filialini tashkil etishni jadallashtirish zarurligi taʼkidlandi.

Xorijiy tajribani qoʻllagan holda, odamlarga bir murojaat asosida qoʻshimcha kompleks xizmatlar koʻrsatish hamda fuqaroning murojaatisiz ham unga kerakli xizmat turlarini taklif qilish mumkinligi qayd etildi.

Misol uchun, farzand tugʻilishi bilan unga tugʻilganlikni qayd etish, nafaqa belgilash, yashash joyiga roʻyxatga va tibbiyot muassasasiga hisobga qoʻyish, bolalar bogʻchasiga navbat kabi xizmatlar biryoʻla taqdim etilsa, ota-onalarga gʻoyat qulay boʻladi.

Yigʻilishda ushbu tizimni eksperiment tariqasida Toshkent shahrida, keyinchalik boshqa hududlarda bosqichma-bosqich joriy etish yuzasidan topshiriq berildi.

Prezidentimiz koʻplab xizmatlar uchun elektron raqamli imzo talab qilinishi odamlarga qiyinchilik tugʻdirayotgani, ayniqsa, bu tadbirkorlarning eng ogʻriqli nuqtasi ekanini taʼkidladi.

Elektron raqamli imzodan kompyuter orqaligina foydalanish mumkin. Tadbirkor roʻyxatdan oʻtish uchun soliq idorasi kaliti, bojxona hujjatlari uchun bojxona kaliti va hisob raqami bilan ishlash uchun bankning elektron raqamli imzosini olishi shart. Bu kalitlarni olish uchun har bir idoraga alohida-alohida borib, uni xarid qilishi, tagʻin muayyan muddatda yana mablagʻ sarflab yangilashi kerak.

Prezidentimiz tomonidan Axborot texnologiyalari va kommunikatsiyalarini rivojlantirish vazirligiga mutasaddi tashkilotlar bilan birgalikda elektron raqamli imzo talab etiladigan xizmat turlari uchun shaxsni tasdiqlashning muqobil, xavfsiz va sodda usullarini joriy qilish vazifasi qoʻyildi. Shu yil 1-iyulgacha hamma xizmatlar uchun yagona boʻlgan elektron raqamli imzo ishlab chiqish boʻyicha topshiriq berildi.

Yigʻilishda muhokama qilingan masalalar yuzasidan chora-tadbirlar belgilab olindi.

 OʻzA

O’zbekiston Respublikasi Prezidenti Shavkat Mirziyoyev Turkiy dunyo yozuvchilari, ziyolilari va san’atkorlari jamg‘armasi (Türk Dünyası Yazarlar ve Sanatçılar Vakfı –TURKSAV) tomonidan ta’sis etilgan “Turkiy dunyo tiklanishiga qo‘shgan ulkan hissasi uchun” xalqaro mukofotiga sazovor bo‘ldi.

Bu haqda TURKSAVning Anqarada o‘tkazilgan maxsus matbuot anjumanida ma’lum qilindi.

Mukofot sohibining ismi-sharifi TURKSAV hay’ati kollegial qo‘mitasi tomonidan Turkiya va xorijiy davlatlarning taniqli siyosatchilari, iqtisodchilari, fan va san’at namoyondalarining 2019 yildagi faoliyatini o‘rganish natijalari asosida e’lon qilindi.

TURKSAV mukofotini topshirish marosimi 2020 yil may oyida Anqarada Turkiya parlamenti, hukumati, keng jamoatchiligi, ishbilarmon doiralari va san’at arboblari ishtirokida tantanali tarzda o‘tkazilishi rejalashtirilgan.

Mukofotga turli yillarda Turkiya Prezidenti S.Demirel, Ozarbayjon Prezidenti H.Aliyev, Qozog‘iston Prezidenti N.Nazarboyev va boshqalar sazovor bo‘lgan.

O’zA

22-dekabr kuni Oʻzbekiston Respublikasi Oliy Majlisi va xalq deputatlari Kengashlariga saylovlar boʻlib oʻtdi.

Oʻzbekiston Respublikasi Prezidenti Shavkat Mirziyoyev oila aʼzolari bilan birgalikda Mirzo Ulugʻbek tumanidagi 162-saylov uchastkasiga tashrif buyurib, ovoz berishda ishtirok etdi.

Mamlakatimiz Konstitutsiyasining 117-moddasida fuqarolar davlat hokimiyati vakillik organlariga saylash va saylanish huquqiga ega ekani belgilangan. Ovoz berish huquqi, oʻz xohish irodasini bildirish tengligi va erkinligi qonun bilan kafolatlangan.

Saylovda beshta – “Milliy tiklanish” demokratik partiyasi, Xalq demokratik partiyasi, Tadbirkorlar va ishbilarmonlar harakati – Oʻzbekiston liberal-demokratik partiyasi, “Adolat” sotsial-demokratik partiyasi hamda Ekologik partiya ishtirok etmoqda.

Bu muhim ijtimoiy-siyosiy voqea “Yangi Oʻzbekiston – yangi saylovlar” shiori ostida, fuqarolarning siyosiy faolligi ortgan sharoitda hamda yangi saylov qonunchiligiga muvofiq oʻtmoqda.

Oʻzbekiston tarixida ilk bor yagona Saylov kodeksi qabul qilindi. Saylovga oid 21 ta qonun tizimlashtirildi. Saylovchilarning yagona elektron roʻyxati joriy etildi. Kvota belgilash instituti bekor qilindi. Beshta siyosiy partiyaga, shu jumladan, yangi Oʻzbekiston ekologik partiyasiga sogʻlom raqobat qilishlari uchun teng shart-sharoitlar yaratildi. Siyosiy partiyalarning saylovoldi ochiq munozaralari jonli efirda yoritildi. Ularda jamiyatimizni oʻylantirayotgan oʻtkir masalalar muhokama qilindi.

Oxirgi yillardagi ochiqlik, demokratik burilishlar natijasida jamiyatimiz ham oʻzgardi. Bu saylov jarayonida ham yaqqol namoyon boʻlmoqda. Fuqarolar ishonch va mamlakat taqdiriga daxldorlik hissi bilan saylov uchastkalariga kelib, kelajak uchun ovoz bermoqda.

Davlatimiz rahbari 162-saylov uchastkasiga kelgan odamlar bilan suhbatlashdi, birgalikda suratlarga tushdi. Birinchi marta ovoz bergan yoshlar, ota-onasi bilan kelgan bolalarning oʻqishlariga rivoj tiladi.

Nuroniylar mamlakatimizga tinchlik-farovonlik, Prezidentimizga sogʻlik-omonlik tilab duolar qildi.

Barcha saylov uchastkalarida qonunchiligimizda belgilangan sharoitlar yaratilgan. Joylarda 6 ming 720 ta okrug va 10 ming 315 ta, jumladan, 38 mamlakatda 55 saylov uchastkasi tashkil etildi. Bundan tashqari, ozodlikdan mahrum etish joylarida jazoni oʻtayotgan oʻta ogʻir jinoyatlarni sodir etmagan shaxslar ham saylovda ishtirok etish huquqiga ega boʻldi.

Saylov jarayonini kuzatishda MDH, SHHT, YETTB, Xalqaro xususiy huquq boʻyicha Gaaga konferensiyasi, Turkiy kengash, TurkPA, shuningdek, YEXHT Demokratik institutlar va inson huquqlari boʻyicha byurosining toʻlaqonli missiyasi tarkibida 700 nafardan ziyod xorijiy va xalqaro kuzatuvchilar ishtirok etmoqda.

Prezident Shavkat Mirziyoyev xorijiy kuzatuvchilar, ommaviy axborot vositalari vakillari bilan ham muloqot qildi. Ular saylovlar ochiq, yuksak saviyada oʻtayotganini, aholining ijtimoiy-siyosiy faolligi oshganini taʼkidlashdi.

O'zA

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA