TADBIRKORLAR UCHUN

Yurtboshimiz rahnamoligida mamlakatimizda yoshlarga oid davlat siyosatiga katta e’tibor qaratilib, oxirgi yillarda sezilarli о‘zgarishlar rо‘y berdi. Muhtaram Prezidentimizning 2019 yil 27 dekabr kuni yoshlar bilan uchrashuvida – Yangi О‘zbekistonni, albatta, yoshlar bilan birga quramiz. 2020 yil yoshlarga oid davlat siyosatida tub burilish yili bо‘ladi, – deya ta’kidlab, islohotlarning yangi davrida yoshlarni qiynayotgan eng muhim masalalar yuzasidan mutasaddilar oldiga qator vazifalarni belgilab bergan edi.

Shu maqsadda, Qashqadaryo viloyati hokimi Zoyir Mirzayev 11 yanvar kuni Qarshi shahridagi “О‘zbekneftgaz”  aksiyadorlik jamiyati majlislar zalida yoshlar bilan uchrashuv о‘tkazdi. Yig‘ilishni videoselektor orqali Qarshi Davlat universiteti, Qarshi muhandislik iqtisodiyot instituti, Toshkent moliya instituti va Samarqand davlat universitetlari talabalari ham kuzatib bordi.

-  2020 yil Qashqadaryo yoshlari hayotida tub burilish yasaydigan yil bо‘lishida astoydil harakat kilish asosiy vazifamizdir. Bugungi uchrashuvimiz esa ana shu yо‘ldagi amaliy say-harakatlarimizdan biri bо‘lib xizmat qiladi degan umiddaman, - dedi viloyat rahbari.

О‘zbekiston Respublikasi Prezidenti Shavkat Mirziyoyevning tashriflari davomida viloyatni har tomonlama rivojlantirish yuzasidan qator yо‘nalishlar bо‘yicha berilgan topshiriqlarining amalda bajarilgan ishlar tahlil qilindi hamda 2020 yildagi ustuvor yо‘nalishlar bо‘yicha muhim vazifalar aytib о‘tildi.

- Kichik biznes va xususiy tadbirkorlikni YAHMdagi ulushi 69,7 foizga yetkaziladi.

- Tumanlarni qishloq xо‘jaligi mahsulotlari yetishtirishga ixtisoslashtirish orqali 4 045 gektar intensiv bog‘lar, 8 377 gektar uzumzor va 2 000 gektar yong‘oqzorlar barpo etilib, 2607 gektar ekspertbop sabzavot va poliz ekinlari ekiladi.

- Qishloq xо‘jaligida jami 654,4 tonna meva-sabzavot va poliz yetishtiriladi.

- Meva-sabzavotlarni qayta ishlash yо‘nalishida 3 ta yangi korxonalari ishga tushuriladi, 2 ta korxonalar modernizatsiya qilinadi va 2 ta zamonaviy logistika markazlari quriladi.

- Eng zamonaviy texnologiyalarni jalb etgan holda 17 ta investitsion loyihalar amalga oshiriladi.

- 23 ta maktablar, 16 ta sog‘liqni saqlash maskanlari, 4 ta bolalar sporti inshootlari, 36 ta maktabgacha ta’lim muassasalari yangidan quriladi, Qarshi muxandislik iqtisodiyot instituti rekonstruksiya qilinadi.

- 1097,0 km uzunlikdagi elektr tarmoqlari va 305 dona transformator punktlarida yangi qurish va rekonstruksiya ishlari, 68,4 km gaz quvurlarini yangidan tortish, 3,2 km gaz quvurlari kapital ta’mirlash va 1,6 km rekonstruksiya qilish, 5 ta gaz taqsimlash punktlarini mukammal ta’mirlash, 94 800 tonna suyultirilgan gaz yetkazib berish ishlari, 18 ta aholi punktlarida 92,5 mlrd.sо‘m mablag‘lar evaziga 161,8 km ichimlik suvi va kanalizatsiya tarmoqlarini qurish va rekonstruksiya qilish ishlari amalga oshiriladi.

- Aholini uy-joyga bо‘lgan ehtiyojini qondirish maqsadida 1700 ta uy-joylar quriladi.

- Qishloq xо‘jaligining barcha sohalari bо‘yicha jami qiymati 1 trln 117 mlrd.sо‘mlik 367 ta loyiha amalga oshiriladi.

- Sovutkich sig‘im tashkil qilish uchun jami qiymati 47,3 mlrd. sо‘mlik 14  ta loyihalar amalga oshiriladi.

- 138,1 ming gektar yer maydonida  9 ta paxta klasterlari tomonidan yetishtirilgan paxta hosili 86,4 foizi qayta ishlanadi.

- Modomiki, belgilab berilgan topshiriqlarni ijro etish uchun bizga zamonaviy fikrlaydigan, chet tillarini puxta о‘zlashtirgan yosh malakali mutaxassislar zarur. Shu kuni viloyatdagi eng yirik obyektlarga, qо‘shma korxonalarga, zavod , sog‘liqni saqlash  va ta’lim muassasalariga ekskursiya qilib, yaratilgan shart-sharoitlar, ish jarayonlarini о‘z kо‘zlaring bilan kо‘rib kelganlaring bejiz emas.

Viloyat rahbari yoshlar bilan samimiy suhbat qurgan uchrashuvda istiqbolli avlod о‘zlarini qiziqtirgan savol va fikr-mulohazalari yuzasidan sо‘zga chiqishdi. Maqsadlari aniq 100 nafarga yaqin oliy ta’lim dargohlari bitiruvchi kurs talabalariga ishga joylashuvi tо‘g‘risidagi sertifikatlar topshirildi. 

Yig‘ilish “Vatan himoyachilari kuni” arafasida о‘tkazilayotganligi munosabati bilan ishtirokchilarni qutlagan viloyat hokimi, vatanparvarlik faqat harbiy xizmatda yoki jang maydonida emas, balki, mana shu zaminda yashab turgan har bir inson о‘z uyi, mahallasini asrashi, о‘zining bor qobiliyatini, ilmu hunarini ona yurtining ravnaqi yо‘lida sarflashi ham vatanparvarlik namoyishi ekanligini targ‘ib qildi. О‘z vatanlarini dunyoga mashhuri zamon qilgan yuksak ilmli Abul-Muin-NASAFIY, Abdu-l-Hamid KESHIY, Abu-l-Barakot NASAFIY,  Ahmad FARG‘ONIY, Muhammad XORAZMIY, Imom BUXORIY, Imom TERMIZIY, Abulays SAMARQANDIY, Burhoniddin MARG‘INONIYlarning sadoqati, yurtiga muhabbatini ifoda etishda kо‘rsatgan ulkan meroslarini xotirladi.

Qamashi tumanidagi 4-sonli Mehribonlik uyida Respublika Ma’naviyat va ma’rifat markazi Qashqadaryo viloyat bо‘limi hamda О‘zbekiston Respublikasi Milliy gvardiyasi viloyat boshqarmasi hamkorligida О‘zbekiston Respublikasi Qurolli Kuchlari tashkil etilganining 28 yilligi munosabati bilan “Vatanparvarlik – milliy yuksalish kafolati!” shiori ostida ma’naviy-ma’rifiy tadbir о‘tkazildi.

Tadbirda mehribonlik uyi tarbiyalanuvchilariga kitoblar va esdalik sovg‘alari topshirildi. Harbiylar tomonidan ijro etilgan vatanparvarlik ruhidagi kuy-qо‘shiqlar va kо‘rgazmali chiqishlar yoshlar qalbida katta taassurot uyg‘otdi.

Qarshi shahri va Chiroqchi tumanlarida viloyat hokimi va sektor rahbarlari ishtirokida “Hokim va yoshlar” uchrashuvlari о‘tkazildi.

Davlat rahbari Shavkat Mirziyoyev 2019 yil 27 dekabrda Muhammad al-Xorazmiy nomidagi maktabda о‘tkazgan yoshlar bilan uchrashuvida yurtimizda yosh rahbarlarni saralaydigan, ularning layoqatiga mos lavozimlarni taklif etadigan samarali mexanizm mavjud emasligini aytib о‘tgan edi.

Ayni shu maqsadda, viloyat hokimi vazifasini bajaruvchi Zoyir Mirzayev hamda sektor rahbarlari 2019 yil 31 dekabr va joriy yilning 5 yanvar kunlari Qarshi shahri va Chiroqchi tumanlarida “Hokim va yoshlar” loyihasi doirasida ochiq muloqotlar о‘tkazdi.

Qarshi shahrida о‘tkazilgan muloqotlarda 113 nafar faol, tashabbuskor va intiluvchan yoshlar ishtirok etdilar. Ahamiyatlisi, uchrashuvda bir guruh yoshlar yuqori lavozimlarga tayinlandi.

- Viloyatimizda zamon bilan hamnafas, tashabbuskor, о‘z sohasini puxta о‘zlashtirgan yoshlar munosib ish о‘rinlariga tayinlanmoqda, - deydi viloyat hokimligi mas’ul xodimi Abror Annayev. – Qarshi shahrida о‘tkazilgan “Hokim va yoshlar” uchrashuvidan sо‘ng 7 nafar yoshlar viloyat, tuman va shahar hokimliklari tarkibiy bо‘limlariga ishga qabul qilindi.

Navbatdagi “Hokim va yoshlar” uchrashuvi Chiroqchi tumanining “Chiyal” qishlog‘ida о‘tkazildi.

Chiroqchi tumanida о‘tkazilgan “Hokim va yoshlar” uchrashuviga ish izlayotgan va chet elda ish topish istagida bо‘lgan yoshlar jalb qilindi. Joriy yilda tumanda 24 ta qurilish obyektlari loyihalariga 500 nafardan ortiq ishchilar qamrab olinadi, mazkur qurilishlarda qо‘lida hunari bor yoshlar barqaror maosh va ish bilan ta’minlanadi.

Ta’kidlash kerak, tegishli tashkilotlar ishtirok etgan uchrashuvda 5 nafar oliy ma’lumotga ega yoshlar viloyat sport boshqarmasi, tuman xalq ta’limi bо‘limi, tuman hunarmadchilik uyushmasi, va tuman arxitektura boshqarmalariga yо‘naltirildi. 40 nafardan ortiq yoshlar esa 24 ta qurilish obyektlari loyihalariga jalb qilinib, ishga qabul qilinishi belgilandi.

Ma’lumot uchun, viloyat hokimi va sektor rahbarlarining yoshlar bilan uchrashuvlari davom etmoqda.

Qashqadaryo viloyat hokimligi Axborot xizmati.

 

2020 yil 3 yanvardagi “Qashqadaryo xotin-qizlar qо‘mitasi Respublika xotin-qizlar qо‘mitasiga yolg‘on ma’lumot yuboradimi? Respublika tanlovining viloyat bosqichi о‘tkazilmasdan g‘oliblar aniqlangan” maqolasida «Nasafnews»ning “Sizdan xabar” loyihasiga nafaqat notо‘g‘ri xabar, balki о‘z manfaati yо‘lida hech bir tubanlikdan toymaydigan ba’zi birovlardan boshqa narsalarni ham kutish mumkin.

Darhaqiqat, 2019 yil 30 dekabr kuni “Yil ayoli”, “Yilning eng yaxshi fermer ayoli”, “Yilning eng yaxshi tadbirkor ayoli” va (yana bir tanlovni nomini hovliqib yozish eslaridan chiqibdi) “Buvijonim kiygan liboslar” tanlovlarining viloyat bosqichi bо‘lib о‘tdi.

17 dekabr kuni tadbirni о‘tkazishga ulgurmasligimizni rahbariyatga bildirib, dekabr oyini oxirida bayramona о‘tkazishga ruxsat olingan.   

Qachongacha bilib bilmay, yolg‘on yoshiqlarga ishonib, urho-ur qilib maqola chiqarasiz, “Qashqadaryo viloyat xotin-qizlar qо‘mitasi kо‘rik-tanlovlarning viloyat bosqichini о‘tkazmasdan, о‘zi bilgan nomzodlar rо‘yxatini Respublikaga yuborgan. Bunga ishongan Respublika xotin-qizlar qо‘mitasi aniqlanmagan g‘oliblarni viloyat bosqichida g‘olib deb topib, diplom va esdalik sovg‘alarini bergan”. Qaysi diplom, qaysi estalik sovg‘asini aytayapsiz (rasmlar ilova qildinadi), kо‘ringchi qaysi birida respublika bosqichidan berilgan diplom bor ekan, faqatgina bayram munosabati bilan Respublika xotin-qizlar qо‘mitasi E.Basitxanovaning “faol ishtiroki uchun” tashakkurnomalari berilgan.

Tadbirda Chiroqchi va Kitob tumani xotin-qizlar qо‘mitasi raislari ishtirok etmadi, lekin ikkala tumanlardan ham tanlov ishtirokchilari qatnashgan. Misol uchun Kitob tumanidan milliy о‘yinchoqlar ishlab chiqarish bо‘yicha usta hunarmand Murodova Aziza “Yil ayoli” milliy tanlovida tashakkurnoma va sovg‘a bilan, Chiroqchi tumanidan chorvachilikga ixtisoslashtirilgan fermer xо‘jaligi rahbari Berdiqulova Nasiba “Yilning eng yaxshi fermer ayoli” tanlovida faol ishtiroki uchun munosib taqdirlandilar.

Yakkabog‘dan Salomova Nargiza, Shahrisabzdan Jо‘rayeva Dilorom, Mamadiyorova Yulduz, Nizamova Saodatlar “Yil ayoli” tanlovida, Koson tumanidan Aminova Dildora, Shavkatova Ruxshonabonular “Yilning eng yaxshi fermeri va eng yaxshi tadbirkor ayoli” tanlovida, “buvijonim kiygan liboslar” tanlovida Aslanova Ruxsoralar munosib taqdirlandilar. Taqdirlanganlarning rо‘yxatni uzoq davom ettirish mumkin (faqatgina ba’zi tuman xotin-qizlar qо‘mitasi  raislari bundan mustasno).

“Har yilgi an’ana 2019 yilda buzilgan. Chunki muntazam ravishda faol tuman xotin-qizlar qо‘mitalari viloyat hokimligi tomonidan rag‘batlantirilib kelingan. Lekin о‘tgan yilda faqatgina 6 ta tumanga viloyat hokimligi tomonidan berilgan sovg‘alar topshirilgan”.

Bu yerda qaysi an’ana haqida gap ketayapti, demak, qaysidir bir tuman xotin-qizlar qо‘mitasi sovg‘a olmasa an’ana buzilar ekanda? О‘sha kuni Yakkabog‘ tuman xotin-qizlar qо‘mitasi “sovg‘a menga berilmadi”, deb tо‘polon qilgan edi, sovg‘a olib о‘rgangan kо‘ngil olmasa qо‘ymas ekanda?

Hurmatli  «Nasafnews» tahririyati, viloyat xotin-qizlar qо‘mitasi shaffof, adolatli va  oshkora ish yuritadi, birorta tanlovlarda tanish bilishchilikga yо‘l qо‘ymagan va qо‘ymaydi ham.

Lekin eng quvonarlisi tadbirda ishtirok etgan eng chekka tumanlardan qatnashgan oddiy qishloq ayoli, fermer, tadbirkor, faol ayollar hech biri e’tibordan chetda qolmadi.

Hurmatli «Nasafnews» jurnalistlari! Sizlardan turli xil asossiz masalalarga duch kelganda maqolani chop etishdan oldin ikkinchi tomonning ham fikrlarini tinglashni, faktlarga asoslanib, xolis va ayblovlarsiz yondashishi kerakligini sо‘rab qolamiz.

Maxsuda Mustafayeva,

Qashqadaryo xotin-qizlar qо‘mitasi raisi.

Manba: qashqadaryogz.uz 

 

 

Joriy yilning to'qqiz oyi yakuniga ko'ra, Dehqonobod tumani sanoat mahsulotlari ishlab chiqarish hajmi bo'yicha viloyatimiz hududlari orasida yettinchi o'rinni qayd etib, mazkur ko'rsatkich bo'yicha hatto SHahrisabz shahri, Kitob va YAkkabog' tumanlarini ham ortda qoldirgan. Vaholanki, bundan o'n yil muqaddam ushbu tuman industrial rivojlanish jihatdan Qashqadaryodagi eng qoloq hududlardan hisoblanib, voha sanoatiga qo'shayotgan ulushi juda past darajada edi. So'nggi yillarda bu borada sezilarli o'sish kuzatilishida esa "Dehqonobod kaliy zavodi" mas'uliyati cheklangan jamiyatining munosib hissasi bor.

Mazkur zavod   nafaqat viloyatdagi, balki mamlakatimizdagi eng yirik sanoat korxonalaridan biridir. U Markaziy Osiyodagi kaliyli o'g'itlar ishlab chiqaradigan yagona majmua hisoblanadi. Hududda ana shunday yirik quvvatning ishga tushirilishi esa tuman iqtisodiyoti yuksalishi, aholi turmush farovonligi yanada ortishining muhim omili bo'layapti.

Zavodning xom ashyo qazib olish va tayyor mahsulotlar ishlab chiqarish borasidagi quvvati yildan-yilga oshib bormoqda.

- Ushbu loyiha bugun har tomonlama o'zini oqladi, - deydi korxona bosh direktori o'rinbosari To'lqin Zaripov. - Buni bugun erishilayotgan yutuqlar misolida ham ko'rish mumkin. Korxona   faoliyat boshlagan ilk yillarda kaliyli o'g'itlar eksporti hajmi 30 ming tonnaga ham yetmagan bo'lsa, o'tgan yili bu ko'rsatkich 230 ming tonnadan oshdi.

Zavod mutasaddilarining ta'kidlashicha, ayni vaqtda bu yerda ishlab chiqarilgan kaliy xloridi mineral o'g'iti qariyb 20 ta mamlakat, shu jumladan, Xitoy Xalq Respublikasi, Qozog'iston, Turkmaniston, Eron, Birlashgan Arab Amirliklari, Singapur, Malayziya, SHri-Lanka, Iroq, Ozarbayjon, Gruziya, Armaniston, Turkiya, Moldova, Vetnam, Ukraina hamda Afrika qit'asidagi davlatlar bozorlariga kirib bordi.

Bugungi kunda hukumatimiz tomonidan zavod quvvatini oshirish eksport geografiyasini yanada kengaytirish, bir qator yangi turdagi mahsulotlar ishlab chiqarishni yo'lga qo'yish borasida tizimli ishlar olib borilmoqdaki, bundan birinchi galda mahalliy aholi manfaatdor. Hudud odamlarining doimiy daromad manbaiga ega bo'lishi, turmushi yaxshilanishidan esa jamiyat ham naf ko'radi.

J.BOYMURODOV

NARZIYEV olgan suratlar.

Manba: qashqadaryogz.uz 

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA